上次講喺交友app識到啱心水嘅人機率係極低， 大家又有冇啲咩行為或特徵一見到就會red flag 呢？ 由於我試過2次同交友app識嘅人拍拖 2次都帶嚟好悲痛嘅經歷 所以我而家由第一步去match 人時已經會好揀擇、好審慎 因為唔想重覆犯錯，寧願可能錯過咗一個機會都唔想take risk 去試一啲我覺得可能有問題嘅人 我自己會foul走嘅細微嘢包括： 1）話自己係I 人/ good listener - 喺我心目中good listener 即係唔識講嘢、唔識溝通，但都仲未red flag；但加埋係 I 人就真係唔得，我唔想成日自己自言自語 2） profile pic 淨係擺風景/食物/ 睇唔到樣嘅相 - 大哥你出嚟搵女朋友都要比人睇吓你個樣吖，樣都唔出擺明好伏 3）profile pic 擺車嘅相或一傾計就show off 自己有車有樓或有幾勁嗰啲..最近有一個頭2句已同我講佢個工人姐姐帶啲朋友嚟佢屋企嘅花園bbq..嗯..咁急於show off 嘅人伏味好濃 4）profile 咩都唔寫 - 你想識人都要寫兩句比人有初步了解吖，咩都唔寫會覺得呢個人連溝通都會好有問題