“師生緣” 你有冇諗過你適唔適合教書? 又或者教學, 甚至收功課技巧方面可以改進? (我自己有時都會思考) 有啲老師個樣唔惡但一入班房未出聲已成班靜晒坐定定聽書, 亦有啲老師大聲鬧學生都無人聽 有啲老師唔放學留人堂做功課但學生唔識做功課都會主動放學搵老師問, 亦有啲老師留學生堂補課學生都缺席 有啲老師搞活動招募helper唔駛公開招募但圍內學生已主動報名仲要超額, 亦有啲老師要強逼學生參加先湊夠人數 學生本身當然係一個因素 但我覺得做老師的其實都好講師生緣 (唔只係師生關係, 而係講緊類似明星/藝人的觀眾緣) 師生緣好的話, 做好多野都事半功倍 就好似有啲明星明明唔靚仔唱歌又唔好聽, 但就偏偏好有觀眾緣 不過呢啲嘢有時係天生, 無得解的