加拿大智障人士服務 每行都有佢嘅辛酸 每當人問起得知我做呢行，佢哋都覺得我係嗰啲愛心爆棚嘅人。實情我真係搵唔到其他工。 講到Living skills, 其中一環係Toilet training.去廁所涉及好多步驟。而有啲人係真係學極都學唔識，甚至乎好唔鍾意坐落去個廁所板到，需要用尿片。 做咗呢行咁多年，處理行為問題，攻擊性行為呢啲我反而唔驚，但最恐懼嘅係處理大小二便。 當然做Counsellor 換屎片唔係我主要職責，我可以叫其他同事返做，但作為新同事要建立威信話俾人知你唔怕。再落地啲，你唔睇吓佢如廁嘅情況，你根本唔知個case嘅困難喺邊，啲Training plan 就唔落地。 佢去到廁所佢整污糟咗自己，你安排佢企入浴缸沖涼，係你準備拎架撐嘅時候，見到佢用糞便塗抹牆壁，水龍頭，浴簾花灑全部都係屎，心𥚃十萬個尖叫想喊出嚟大叫即刻劈炮唔做。 然後要表現得好冷靜咁講：we can not shower like this，rinse your hands…. (Team~ I need help….)