離別2 下午篇 閑來無事，喺Thread沖浪🏄 見到有位主人分享狗狗時日無多嘅消息，萌生起為狗狗Tiger上門拍攝嘅念頭，所以就聯絡咗主人，我哋幾個DM來回已經夾好晒所有拍攝事宜。 下午2時，去到狗狗Tiger屋企，一入屋已經聽到中氣十足嘅吠叫聲，精神非常好。 原來Tiger患上嘅係血管瘤，時候到就會破裂。 簡單咁同媽咪家姐傾咗幾句計，媽咪已經眼濕濕。 我其實無嘢可以安慰佢哋，唯有代Tiger感謝媽咪同家姐12年來嘅照顧以及不離不棄。 大家知道彩虹橋嘅故事嗎？ 相傳彩虹橋嘅另一邊有一大片草原，但凡被人所愛嘅動物都會喺呢一片草原等待主人嘅身影，再度重逢。 講返場拍攝，受場地所限，我己盡我所能，提供最好嘅條件進行拍攝，還好Tiger一開始精神不錯，大家都玩得好開心，拍攝順行，後期狗狗開始疲倦就停止拍攝了。（留言續）