私家偵探入行篇 癲佬的初陣（一） 第一次做case，準時係必須的！當晚任務係跟到目標的住址，開始地點係葵青區某工廠大廈，我同社長係地鐵站碰面，社長比左目標人張相我睇，叫我記住目標咩長相，一陣就大廈門口一齊睇，你睇一邊我睇一邊。 放工時間，工廠大廈人頭湧湧咁噴出離，我根本睇唔切，心諗仆街啦，我呢邊睇漏眼點算？好彩，15分鐘左右大概第四波人潮既時候，目標出現，都係社長犀利，一眼關八！之後我地跟住目標去到地鐵站附近既商場，由於第一次做，心虛，每次目標回頭望既時後，我都好自然咁怯一怯迴避目標既眼神，仲問社長我係咪黃左？社長叫我咪鬼自己嚇自己，同埋調整望目標既位置，就唔會咁容易被發現。咁就收穫左我入行跟蹤第一個技巧。 ［待續］