唔知大家有無睇過，我就成日用呢套「I am legend」，嚟比喻英國嘅入黑後： 1. 唔建議你獨處室外 2. 一定要留喺有光嘅地方 3. 保持警覺、低調細聲 4. 遠離無光地方、暗角、多層停車場 5. 小心迎面黑hoodie、童黨、醉酒、道友、精神病患 話說放完飯，喺靜英英嘅月台等接車，有位疑似醉酒、服藥、加少少 mental health issue嘅朋友，出現咗喺我面前。 人兄喺月台行嚟行去自言自語、吐口水落路軌，見途人又大叫，嚇到另一位候車護士即刻彈開。每逢有人行過，佢都類似: 「啤咩啤，望咩望，I will fxxking kill you, why no tram, fxxking NHS, you’re a dead man」之類 話晒之前送貨、送人、做救護等，都叫見識過呢邊嘅陰暗面，經歷過啲風風雨雨。但嗰一刻我都有將我個開工背囊，擺返喺我肚前面，有乜嘢佢突然攞刀插我，都可以擋一擋。 就算當年沙士，有同事攞住把軍刀，行入護士站接更，我地都從容面對，今次真係唔認老都唔得了 #曼城曼城曼城 #移民英國放負撚 #英國日常 #黑氣磁石