早兩日結婚迎來八周年😎由於正值老公重投全職學生沉浸式體驗，慶祝活動亦都一切從簡，當日不約而同有人分別問我哋：「8年婚姻，你覺得有啲乜嘢形容詞？」 我老公嘅回答：「有啲乜嘢咪講出口，例如你想對方執枱開飯，你就要直接講出嚟，唔好expect估到你心諗乜嘢，跟住收埋收埋佢自己生悶氣。」 我嘅答案就係：「我有諗過係同步、幽默、欣賞、成長…etc做到榮辱與共，最後我突然間諗起有一個賓客，當年一句祝福說話:甘苦與共，要做到肝膽相照，脫掉美好憧憬和幻想，婚姻都係講義氣」 *圖中一對甜苦樽樽，係接新娘時候嘅遊戲道具，當年我特登留低咗，因為以防萬一自己記性唔好提醒吓自己😌