純粹分享問一件舊事 故事教訓我哋千祈唔好做雞仔媒人 話說做有個曾經嘅「朋友」講到自己好專業收費又唔貴，加上佢對化妝好有熱誠好想喺呢行發展，見佢有啲妝又真係化得好靚，佢又話自己做開新娘化妝（但從來冇作品公開過），咁我就介紹俾自己好朋友未婚妻試妝啦，試完妝之後朋友未婚妻其實都未嚟得切感受，佢就迫人哋即刻落訂，朋友未婚妻又來不及反應，加上見係我嘅「朋友」就比咗一半訂，之後朋友未婚妻問過好多人意見，都話個妝完全唔得化到好妖冶，同埋呢位化妝師朋友話原來佢只化妝，set頭係另外一個拍擋做，我好朋友就覺得好奇怪，因為都想一個人做晒，完全係唔知道原來佢係要一個set頭一個化妝 最後好朋友未婚妻試咗第二個化妝師覺得比較適合，就同我化妝師「朋友」講不如俾咗啲訂轉做姊妹妝啦（因為佢講明唔退錢)，咁個化妝師「朋友」就好嬲好激氣，係咁踩其他化妝師啲妝唔得，係咁話自己個妝零瘕疵，佢個妝真係對眼出事，唔明點解新娘妝對眼要放成浸勁長假睫毛上去好誇張，呢位「朋友」最後Offer話改化姊妹妝如下 1）化姊妹加媽媽六個夜晚補妝 2）姊妹加媽媽共八個唔補妝 留言位置續下集