近來睇得多啲大陸視頻，發現佢哋好興講一個形容語句：教科書級別。乜嘢都可以有教科書級別，咁媾女係咪都應該有呢？我廿幾歲時就發生個一次係完全只靠眼神，大家都無說過一句話、一個字的媾女事件，唔知算唔算得上係教科書級別呢？ 記得個日下午5點幾，同朋友A及B在柯士甸道間鸚鵡吧happy hour , 三個男人坐低飲啤酒吹水實在係一件好爽嘅事，飲飲下酒坐係我身邊的朋友B告訴我，斜對面張枱條女好似幾正喎，佢仲耐唔耐就望住我，不過可惜吖人哋同條仔一齊呢！我聽到朋友B咁樣講，我就緊係馬上望下啦，然後我同朋友A及B說：條女ok啦有80分~~雖然佢同條仔一齊但我有信心可以識到佢。 朋友A：挑~識Li 啲女容乜易吖，你睇佢同條仔一齊但就周圍望仔。 朋友B ：點為知識先？抄佢牌攞電話號碼這些小事，邊難道啊偉哥你啊！ 我：咁吖，我唔出聲就可以攞到佢電話號碼，如果我得，咁今晚飲酒食飯就你哋兩個埋單，如果我唔得嘅~~而家飲酒Li張單我埋。 A和B ：唔出聲咁西我？你真係當咗你自己係媾女王？仲要人哋有男友 我：咁賭唔賭啊？ A和B：好 留言續