尋日有個90歲婆婆黎睇腳。 👵🏼（大聲問）：「你係咪鍾小姐呀？」 👩🏻（大聲答）：「係呀（心諗咁好記性既）你係咪陳小姐啊？」 佢聽唔到😂 👵🏼你結婚未啊？ 👩🏻有兩個小朋友 👵🏼俾我睇下啲相？ 👩🏻好呀。然後佢睇得好開心。 我問佢後生既時候做咩工？ 👵🏼：我一世人都係做義工 老人、病人、監躉..我都去探訪，傳福音，都幾好玩。 係之前covid 先停左。 👩🏻心諗「嘩咪即係做義工做到80幾？！」 無幾耐到佢問： 靜脈係咪vein? 動脈係咪artery? 動脈係跳果個嘛？ 👩🏻：係啊 👵🏼：你睇下我地中文幾易明，動脈就係會跳果個。咁點解靜脈唔會跳？🤔 👩🏻：Er…（解釋…） 然後我同佢講隻腳都可以摸到脈搏，「你試下？」 佢好似小朋友咁，好開心，話要返去話俾啲朋友知佢識把脈。 後來佢除低口罩抺嘴，我話：「睇黎你後生應該係靚女黎喎！下次帶啲相黎睇下？」 👵🏼：「靚女唔到我～😄下次我拎啲結婚相你睇🤭」 唔知佢到時重會唔會記得😌 不過佢應該唔記得上次問我拎小朋友相睇，差啲錫落我部電話上。 對生命保持熱情、好奇，大概算係長壽秘訣之一吧。