Threads 又見到粵語正音爭論，兼好少見地有人拎「構、購」二字嚟做靶，講嘅當然係話二字「正音」係「究」，所以宣傳下舊片。 呢條片用咗個半鐘，講解「構、購」嘅正音問題，變讀嘅原委，兼粗略睇下「構、購」二字讀音爭議嘅歷史，睇下當社會大眾、學術界已經廣泛接受「扣」音時，傳媒點樣藉其社會影響力，將「究」音廣佈社會之餘，更令近年開始有人開始認為「扣」係錯讀。當然，成個爭議嘅根本問題都係究竟「何為正音」，可惜未有時間講呢個問題。但呢個字我覺得可以反映出「正音」問題係可以幾複雜嘅，未必一句「Ｘ正音係Ａ」可以了事。