態度差都算啦！開咗過期藥俾我狗狗呀！仲要係止抽筋藥！開藥嘅時候仲話「千祈唔可以斷架，一斷有機會抽筋好危險！」點知樽藥係過期架，當然我都有責任去檢查啲藥有冇過期，但因為狗狗抽筋當時真係人都亂晒，嗰時又去診所又去專科又去急症都判斷唔到醫生講嘅嘢，淨係識聽佢哋嘅指示點做點做，食咗一晚之後我心血來潮走去睇個樽，就發現個expired date點解個日期過咗成個月，嗰時已經係凌晨一點，我即刻打電話去VSH度問佢，佢叫我影相俾佢睇，之後佢叫我過去換返啲藥，我真係嬲到震！😡😡😡

呢間野衰到震撼，姑娘醫生完全無愛心，只係識講錢！

呢間出名黑心又冷血

冇完善嘅動物法例去規範 睇醫生真係要做足research 🥲

Cookie今年5月就係喺何文田VSH度入院，出院第二日就瓜咗😭。Cookie一路以來好地地，有一日突然呼吸急速，去咗黎枝角獸醫診所check，check到肺積水轉介去VSH。 去到等2個鐘先報到價，5日住院氧氣打藥照肺要成4萬幾蚊。仲未計Check心臟嘅費用，懷疑係心臟病，要做心臟超聲波。咁撚貴，我緊係唔同意。不過情況緊急要即日入院，當時已經係夜晚，打咗比其他獸醫又唔接電話，我老公覺得算啦唔介意，結果都係喺VSH度醫。我同VSH講，3日都搞唔到就一定轉院去第度睇。結果2日半住院打藥照肺照心臟連埋洗咗啱啱3萬蚊。 獸醫話肺積水醫好咗，心臟病要一路食藥。開咗2個星期藥，仲話因為打咗消肺積水藥搞到腎功能降低受損，2星期之後要覆診再check個腎功能。結果返到屋企第2日即刻心臟病發瓜咗😭。

想知樓主係睇何文田定灣仔嗰間？🙏🏻

CLS 唔怕有報應？

呢間嘢真係出名儉財 朋友試過斷錯症屈隻貓做啲好貴嘅療程

可以一齊！我隻狗都係佢手上枉死！

呢間真係 cls