我十八年前，因為感情同家庭問題，曾經每日都想自殺，一直食抗抑鬱藥同見社工，持續左痛苦既 7 年。及後到左四年前，以為終於遇上真愛，仲同佢結埋婚，到兩年後先發現佢 day 1 已經有男友，一直呃緊我。唔通我成個人生就白過？我早就應該響 18 年前死左去算？事實係，我強大左，即使離婚，我都無再有讀書時期既自殺念頭。俾前妻呃左好多錢，而家失埋業，我又係照樣日日去爬石，日日同 D 貓玩，俾佢地抓到成手損哂。我知你好痛苦，你既痛苦亦都係好合理，正如我既過去都好慘，但仲有好多美好既事等緊你。你而家就走既話，你之前既痛苦就真係白捱。