撘DC每次都成肚火🫴🏻 忍唔住要爆炸，話說因工作關係成日都要去有啲偏僻地方，然後佛心公司有得幫我calm返的士/Uber 錢，其實有得揀多數都直接Uber，但係有時急起上嚟見到有車就即刻上，點知就幾乎次次都伏😪 琴日去九龍醫院工作，我諗有去過嘅都知呢度有幾山旮旯，嗰度嘅同事又極力唔建議我喺醫院canteen食，時間咁趕唯有搭的士出返太子。上車前睇定有$100現金左右，上到車見到可以比八達通，即刻心花怒放超老頂心諗實冇死，繼續珍藏返我張$100現金🤘🏻 去到太子臨落車話用八達通比，結果就被司機鬧到烚熟狗頭咁，又話要提早講又話冇開機，差啲連我老母都想鬧埋，最後都係無奈地俾現金，事後越諗越唔對路谷鬼氣，其實擺部嘢喺度裝飾嘅話不如唔好擺🤔 仲有好多撘DC經歷，越講越谷氣 的士