香港甚至全世界藝術教育有一個奇怪現象，但大家覺得好合理，就係愈細個班愈平，愈大個班愈貴。實際我覺得應該調轉，因為幼班只能小班，我經驗係6個左右最合理，人多班都係等如俾錢請老師在限時內畫哂全部畫唔係教緊，照咁睇，就更加應該收得貴；而大個班例如高小中學甚至成人班，可以一班收多d人，唔會扭計，唔會搗亂，而且更需要studio time，實際係可以收得比幼兒平。香港家長知道要將最好嘅野俾小朋友，但就認為興趣班唔應該貴，導致畫室不停將幼兒班減價，質素下降，而大人班就加價，令大人班少人報，最後攬炒，搞死老師。