婚禮攝影 其實我只係想要好似呢幾張咁嘅相 好基本嘅要求，影到全身同個背景完整 攝影師冇影到我哋每一個造型嘅全身相 就係咁簡單咁基本..但係攝影師都係做唔到！ 以下每一張相都用左大約$35係淘寶搵人拯救 圖1同圖2:原圖係隔離有一個賓客，拱形冇左個頂（喺淘宝搵人P返個頂，p走過賓客） 圖3：係我嘅親友幫我影，係證婚既造型，但係攝影師一張全身相都影唔到， 全部得半身，仲要個角度好差，影到個人又肥又矮！冇一張相可以拯救！最靚嘅造型冇咩相可以留念，好彩親友有幫我影咗幾張） 圖4原圖：喜字冇咗一半，冇影到隻腳！ 背景冇左可以p番！腳真係冇得P! 所有著褂坐喺梳化影既全家福， 全部都係Cut喜字一半，膝頭哥以下都cut ! 點解作為一個婚禮攝影師， 人地結婚可以唔影個喜字？真係完全唔理解… 仲有跪喺度斟茶嘅相，全部都冇影膝頭哥…. 見到好多人分享攝影師影嘅相有更差，p都救唔番！ 我好彩嘅係….我啲相都救到….. 其實我要求真係唔高…有幾張咁既相已經好滿足！點解咁都做唔到？