明明放棄咗AFF搶飛而去咗睇STORIES WE TELL，套戲OK但M+自已上字又係睇到火🫠 1. 最基本問題：人名地名唔consistent，Sarah 大部分時間「薩拉」但都有出過「莎拉」；Michael 又「麥可」又「邁克爾」；Johnny又「約翰尼」又「強尼」；最後最worse都係Montreal又「蒙特利爾」又「蒙特婁」，最離譜係佢唔係隔好耐、而係上下句出同一個名都可以錯，睇到精神分裂 2. 四款引號「」『』“ ” ‘’任佢玩、完全無follow any rules，最誇張係一句開頭可以係『但結尾係‘ （講起標點，尋晚套貝聿銘都可以句子開頭出逗號，句子完出句號，同埋逗號仲一時全型一時半型） 3. 佢將playing solitaire on his own譯咗做「橋牌」，差啲笑出嚟，我當打bridge兩家整兩個dummies你都至少要兩條友玩 4. 將she’s full of life 譯咗做「她充滿生命裡」哦，就係個下我確定佢係陸譯/台譯，搵香港人打速倉嘅咪唔會犯呢啲低級同音字問題囉；同埋仲有句寫咗「印像」