更新下最近狀態 雖然只係開咗一個月學, 但係已經好似過咗好耐咁, 度日如年。當然有開心嘅事, 同人相處都好順利, 幾舒服, 但係同時都帶嚟唔少煩惱, 會成日自我思考。可能喺大家面前我係個好有主見, 好有信心嘅人, 但有好多嘢我都唔想其他人去承受, 自己心臟又夠強大可以自己搞掂。 生理上更加扭曲原意, 頭兩個禮拜冇一日係冇飲酒, 身體feel 到響起警號, 令到好多人擔心, 我自己都知驚, 之後都唔飲太多。而且成日夜瞓, feel 到同暑假正向嘅自己好唔同, 沉淪落去都唔係辦法。 所以喺呢度表達咗先, 希望嚟緊呢個禮拜開始可以調整返自己嘅步伐, 心態, 做返自然嘅自己。