碌脆成日有啲女仔post 相話自己比真實年齡後生，即40+但比人話似廿幾咁.. 好羨慕佢哋keep得好得嚟亦充滿自信 有冇人好似我咁，就快4張嘢先嚟開始有容貌焦慮？🥹 近呢1-2年成日睇自己唔順眼，成日照鏡但唔係自戀；而係每一個位都睇得好仔細然後勁嫌棄自己🥹 - 笑時眼尾開始有皺紋 - 覺得眼皮開始鬆同腫 - 法令紋開始變深、附近開始有細紋 - 頸紋、抬頭紋開始明顯 - 以前食極唔肥；而家唔食都肥；個死人肚腩減極都唔消失 除咗外表，覺得自己心態都老咗： - 以前可以唔使瞓通頂都唔識攰；而家瞓極都好攰冇咩精神 - 以前好爛玩一定要出街，而家寧願喺屋企做宅女me time吓都唔想出席無謂應酬 - 以前戀愛大過天，而家覺得單身好似都幾好 覺得自己裡裡外外都開始變老，有時都會好焦慮、好冇信心，覺得自己失去往日嘅光彩，有冇人明？🥲