Day 11 點解要餵藥？因為係父母出門前 此貓已經3日屙唔到💩 好彩佢地出咗門就即刻屙 跟住幾日大概屙咗五次 有時係廳中間，有時係廚房地毯，有時係廁所地布 其餘先係浴缸 我諗佢係廁所以外屙係示威，因為見唔到人而發爛渣，類似寧王嗰隻。 去到星期六（28/9）回帶計應該又超過三日冇💩屙 頭幾日見佢有屙就冇食藥 一來麻煩，餵一粒可以分幾轉，試幾次先食到 二來每次食完佢都勁炆，我唔想俾壓力佢 去到晚餐時間 諗住係佢食野前餵一次 點知食完藥之後佢糧都唔食就攤係到 引佢玩又hea下唔願起身 叫佢又求其應 我個下完全唔知點做，差點要同阿媽講收返個無字，但唔想打擾到佢 差點要係threads,ig出po問意見 跟住又諗聽日唔出街陪佢坐成日，然後星期一唔返工再同佢坐到阿媽返屋企為止 後尾搏一鋪落街買盒北菇蒸雞飯 我食北菇飯佢食蒸雞 然後蒸雞放題之餘溝少少水 食完飯之後我閂門扮沖涼 佢五秒內衝入嚟屙咗一條💩 沖完涼出去見佢嘔返晒啲雞出嚟同係地毯屙多一粒 💩 片係今朝影，佢屙尿個樣好專心好好睇 好感恩，有少少💩已經令我啲壓力由爆煲邊緣減返去合理水平