屋企人真係我揀彈琴為專業嘅最強後盾❤️ 大家都知道拔萃除左睇成績 都會收「特異功能」嘅學生 （special talents) 所以我係喺一個多樣化嘅環境成長 大家都會尊重同欣賞彼此嘅專長 包括老師對學生 雖然我嘅諗法唔可以代表所有人 不過我自己/身邊最後揀左讀音樂嘅朋友 多數都係從心而發好鍾意 鍾意到好辛苦都願意堅持嘅程度 而呢一份堅持係包括埋頭苦練 同埋以成績說服對你呢個選擇有懷疑嘅人嘅決心 屋企人由細到大都好支持我做自己鍾意嘅事 同時亦教識我唔可以半途而廢 因為所有嘅才華冇咗堅持都行唔遠 每一個人需要達到目標嘅時間有長有短 但係堅持嘅人係絕對唔會一無所獲🍀 音樂真係一條好長嘅路 由細個入演藝 到參加比賽 到依家喺美國讀master 我每日都遇到比我叻嘅人  總有嘢係不及人哋 所以讀音樂嘅底氣唔係你有幾叻 而係你有幾願意堅持 ✊🏻 古典音樂