我的陪月惡行 3 話完佢R OT後，日日準時返工收工，佢嘅行為令我好懷疑佢所謂嘅專業。 炒米仔‼️飲咗幾日唔對路，淡而無味，發現佢係每日煲滾熱水倒落個水壺度（隔幾日夜），嗰時真係講明佢知我唔飲隔夜，之後見佢朝早炒下米，加無花果，夜晚我咳到pk 。 青皮鴨蛋‼️佢話煲咗個湯去惡露，但做乜煮蛋我食，我係剖腹生仔，佢仲話你唔好食隻蛋就得啦 石崇魚‼️ 聽講煲湯對傷口好好，買新鮮好難，所以老公提前同魚勝訂，一有魚拿拿聲拎俾Ee煲湯，佢話：你哋俾人呃左啦，呢條係石九公，我成日煲唔係咁嫁。佢講到咁實，我懷疑自己真係俾人呃左，即刻問朋友，全部都話係石崇，連我老公放工特登去問魚檔勝，搞到幾老尷😑 薑水沖涼‼️ 第一次覆診後回家沖涼，佢叫我用薑味野沖涼，沖完再用薑水淋身，當時我有得沖涼已經好開心，仲諗邊個啱咩，之後同fd食飯講起坐月，呢個問題又出現番。 高麗參‼️佢話買高麗參俾我補身，我話唔使買，唔受得太補，過咗兩日佢遲到就係為咗買參，我燥咗問佢：做咩要買？佢話你先生知我去買㗎，夜晚我問先生，佢話Ee 買完参先同佢講。 仲要無啦啦拎咗幾條BB毛巾返嚟claim錢，重點係冇人叫佢買。續 陪月