20240929 仲有九十四日就到二零二五年 我諗應該冇人好似我咁撚有愁善感 而家已經對年度回顧有啲想法 趁住啱啱又同屋企人嘈咗獲勁嘅唔太瞓得着 睇見我整牙張相咁戇鳩 就想分享下順便講吓我心聲 其實最近幾年真係好難捱 無論情緒上定係經濟上都好緊繃 covid又中過手又斷過 抑鬱又復發 戶口長期雙位數甚至更低 試過爭人十幾萬 找清曬企翻起身又比人屈我穿櫃桶底炒撚埋 乖乖哋入地盤砌又到我老豆lung can 跌跌撞撞到今時今日 都仲係跌跌撞撞緊 唔知係咪叫好彩 身邊嘅人都好愛錫我好肯幫我 萬分感恩身邊嘅兄弟同我女人 仲有各界好友同事客人 甚至係單純網上世界認識嘅朋友 睇相佬話我成世人勞碌命 家人緣好薄 但係好彩叫做命中有唔少貴人 可能係你妳或者您 好多謝大家對小弟嘅包容同埋支持 小弟不才 冇錢冇外表冇樣嘢叻 係叫做死淨把口仲要有啲無禮貌 有手有腳但係又唔多協調 但係大家都願意容忍咁不堪嘅我 鼓勵同支持我去渡過一個又一個難關 小弟再次拜謝 以上