「🤰英國生仔記」 （上） ⁡ 好記得生嗰日一朝早起身已經發現有輕微陣痛 不過痛感唔算好強 所以就keep住觀察 但自己多多少少都有心理準備應該係今日 然後就開始用app記錄陣痛頻率 📝 大概到朝早10點就發現係每10分鐘陣痛一次 因為好驚俾醫院退貨 基本上全個晏晝就係屋企 一開始頭三四個鐘似係食錯野肚痛既感覺 都算仲可以忍受 不過已經係完全唔想同人講嘢 個人要好專注去忍痛😵‍💫 不過就算好痛我都有keep住喺屋企來回行 慢慢去到下晝三四點規律每7分鐘一次陣痛 我老公過程中不斷問我使唔使入院 其實已經當下好痛好辛苦 心諗點頂落去 每次陣痛係踎喺度攬住自己🫠 但我更怕到左醫院俾人退貨又要返屋企 然後到六點左右終於發現每5分鐘陣痛一次 覺得係時候了😭😭😭 但我堅持係屋企沖完涼洗埋頭食埋晚飯先入院 六點半終於頂唔順叫老公call Uber 入院 搭Uber 個上車嗰下已經覺得自己痛到神志不清 係真係痛到覺得好唔真實 好似隨時想暈 過程中聽到我老公同司機講話我老婆就生得啦 而家去醫院 個司機就嚇一嚇 問使唔使揸快啲 然後我老公就答佢 唔洗好快 最緊要安全😂 (續）