佢第一個留言大約係：「人出雞，你出豉油🤭」 唔知點解而家搵唔返佢呢兩個留言，可能知自己衰咗所以delete 。 其實話我嗰啲人究竟有冇睇清楚我寫嘅嘢？我唔知點解寫到咁清楚仲會有人唔明我呢個玩法。用我嘅學生優惠去買Mac，咁你本身已經會平過正價，即係一個本身冇學生優惠資格嘅人可以用一個平過正價嘅價錢去買一部Mac，然後我再俾多$500你，即係再平多五舊。啲人覺得我用$500就想收AirPods，付出嘅嘢係好少，對買家唔公平。咁你呢啲人又有冇諗過一個本身冇學生優惠嘅人去買Mac機係要俾正價，冇AirPods送，其實即係呢啲冇學生優惠嘅人點樣都係唔會有免費AirPods！對於買家嚟講，佢只係用一個更加平嘅價錢去買咗佢本身需要用嘅Mac機，咁我又想問吓，乜買家會蝕錢嘅咩？佢平咗成千幾蚊去買一部Mac，開心都嚟唔切，明明就係雙贏嘅局面。唔該各位反我嘅人，諗清楚呢個玩法先。明明大部份留言都明白呢個玩法，總係有啲傻仔懶醒咁樣衝出嚟😂 BackToSchool