叫醫生寫信轉介去政府醫院覆診，藥費會比較平。 以下資料，係我自己嘅個人經歷，希望可以比到參考性你，協助你對抗情緒病。 我自己係一名妥瑞症患者，患咗呢個病超過10年，但現時已經停哂藥，而且徵狀都無惡化返。 先簡介下呢個病，佢會令患者不斷重覆做某種動作，可以係大叫，可以係某d身體動佢，但係呢d行為共通點係：不受控，會不斷重覆，情況會受患者情緒影響。 咁其實主因係大腦比錯信號而造成，雖然部份患者會因為成長，大腦也慢慢發展成熟而漸漸康復，但並非每一個都係咁。 而我係仲會有徵狀嘅，但喺一般情況下，佢可以被我控制到超輕微或消失。 我對付佢嘅手段，有以下幾點， 1：唔特別關注佢 原因：你愈關注佢同在意佢，你嘅情緒就會愈緊張同不安，喺緊張同不安嘅情況下，最易引起妥瑞症。 方法：幻想妥瑞症係身體嘅一個器官，存在係身體內，器官係身體內好正常中，所以我唔洗特別關注妥瑞症 2：了解咩情況下，佢會比較活躍 原因：我發現自己係［興奮］同［緊張］下會比較出現失控情況，但係有分別，［興奮］下佢係會惡化，但係我平伏後，佢就會消失，［緊張］時嘅惡化，佢會變得更想我［緊張］，所以佢會不斷惡化情況，引起我緊張