再嚟鬧個場地 今日係第一次去西沙睇show - 個場非常隔涉、巴士少班次疏、冇便利店、個場賣乜嘢價都好，如果你想買樣凍飲消暑就要硬食，仲要排超長龍。自動販賣機啲水呀茶呀寶礦力呀一早賣哂 - GO Park係幾大，但除咗AXA個場館內（想入去已經要驗飛）、仲有啲𨋢口係喺室內有冷氣，其餘地方係全露天，搵個遮蔭嘅地方都難 有人可能會話：好多地方嘅會場都係咁，但想講喺香港好似冇咩場係驗飛位set喺幢building正門門口，觀眾要有冷氣降吓溫係要佢開始驗飛入場先得（仲要開始入場時間遲咗40分鐘）。前提係嗰度乜都冇，連去附近舖頭過吓冷河都唔得。 日本啲場館的確係要入完場先有冷氣，但人哋所有嘢都準時。觀眾咪預到要曬幾耐（我知遲到呢點關主辦事，但如果個場地唔係咁荒蕪，佢遲就唔會咁乞人憎 西沙GOPARK