我分享一下自己經歷。試過遇上變態女上司，返工時間不停騷擾我哋，要求我哋做無聊嘢，令我哋無法工作，到7pm就捉我哋入房開會到凌晨，幾乎日日如是。身邊同事有流產、睇心理科，我以為自己好tough，點知有日斷片俾同事拉走，送我上的士要我返屋企瞓，原來當時我無意識入女廁飲漂白水自殺，同事仲話其實我成日無啦啦喊。之後我作個藉口resign，休息四個月返第二份工，休息期間做大量運動、聽spotify spa music、食減壓superfood。其實我一樣係唔太知個原因，只能推斷係覺得屋企係地獄，公司又係地獄，無任何私人時間所以崩潰。所以，或者重點係點樣好好take care自己，唔洗太深究原因。