考試時間係1135，師傅安排咗0945-1115上堂熱身，熱身時連泊位都出錯，但師傅好快幫我調整返心情，做返啱泊位流程，「等陣考照做，乜都唔好改!」 唔好睇少呢句嘢，考嗰時有疑惑，我就係靠呢句冇亂來。 終於到考試，考牌官有點cool但不hostile，我反而冇乜緊張。泊位、調頭都好順利。然後就排隊出校門考路試，呢一刻終於有少少緊張，點知⋯ 「嘭!」 前面架考試車唔知做乜，右轉去校門佢鏟咗去上渠蓋，聽到佢撞渠蓋嘅聲，睇到佢畀人踩停架車，嗰吓「嘭!」反而令我成個人定咗落嚟。臨考前有朋友text我 「放鬆，慢，Focus」，我拎住呢句揸河畔線，過死車有司機突然開門落車又好，轉彎自己畀多咗油又好，我都係keep住「放鬆，慢，Focus」，結果一take pass咗！ 好多人話駕駛學院唔好，可能我好彩，遇上嘅師傅都好好。有啲人唔中意CEF課程啲理論課，但其實喺適當嘅時候去上，我覺得係可以提醒返一啲上堂揸車時miss咗嘅嘢；駕院app入面啲片係有啲用嘅，我係靠睇片來記泊車同調頭程序，同睇熟考試路線。 5/8 開始上自Van，10/9考試，冇補鐘，能一 take pass 真係好爽! (2/2)