今季嘅第一埸比賽終於完結，新鴻基地產香港十公里錦標賽係我第一次參加嘅10K比賽，雖然未能PB(預咗啦～咁嘅天氣🥵）不過都滿意自己嘅表現嘅😌今日真係好熱，起步前同自己講頭2k要忍住，之後先慢慢加速．．．第一k跑完5:01 ok,唔係4分pace當忍咗😅點知第2、3k直接進入4分pace(4:45、4:58）心諗再唔收點捱到返終點啊？第4、5k （5:04、5:10）不斷嘅上斜落斜加上曬到hihil令我內心開始交戰⋯⋯到未呀？唔可以停！頂住！不斷輪迴🤯到6 k前經過水站飲咗半杯水，淨番半杯兜頭淋降溫😓終於跑到第6 k （5:19），7、8k （5:15 ）途中見到幾位跑手瞓低咗🥶重有2k，同自己講好快到，頂埋佢🤬第9k（5:19）,終於到最後1k，之前嗰4k收慢咗，好似有返D貨喎！衝la! 上斜？衝la! 終於見到終點😭最後衝埋段斜路，衝線～第10k (4:58)就係咁完成咗我今季第一場比賽。期待17/11 機場 ‧ 渣馬︰三跑道系統十公里國際賽。希望到天氣涼D可以做到更好成績！