澳洲長途機回港， 碰巧飛機椅子挨後嘅熱門話題， 有啲忐忑。 我習慣望下後面，睇下咩人 ，佢又做緊啲乜， 先至決定拉幾後張櫈。 今次後面係一個幾大舊嘅男人，佢冇食嘢，冇睇戲，冇瞓覺， 我諗住微微挨後一格，點知張凳直接拉到最後; 張凳應該壞壞哋 ，我拿拿聲say sorry， 佢話唔緊要，that's ok! 我自己嘅習慣，唔係瞓覺，就拉返直張凳， 畢竟，如果唔係特別嬌小嘅人，搭飛機其實都幾辛苦。 食完飯，我啱啱諗住好唔好再瞓嘅時候， 仲忐忑緊今次挨幾多格，後面好似啤啤熊嘅男人，主動拍我老公膊頭， 佢話:叫你太太挨後張凳休息啦，我真係冇所謂㗎! 暖心。