因為長老照顧BB的方式令我憂慮，成晚個腦都係諗緊啲憂慮嘅嘢…訓覺都訓唔著。然後又後悔生BB，唔係怕累怕煩，係因為覺得自己生完但唔能夠親自照顧佢，又控制唔到其他照顧者點樣湊，但我又無可能辭工自己湊，我就好憂慮BB會發生意外，或者會有發育發展問題。佢地明唔明BB係好脆弱，細微野都會影響佢健康？成日都唔聽我講，仲覺得我太過慮……有時感性上都想乜都唔理，放pea 是但佢地啦，萬一有問題就怪佢地造成，但理性上又知自己身為母親唔可以咁樣，就算未能親自照顧，BB有咩照顧造成的後果，我都責無旁貸，同埋真係出事就太遲啦，Bb都受害了，到時怨佢哋有用咩？身為媽媽係要防範於未然，要以BB健康平安為最大考慮….所以我好擔心明知自己無辦法親自照顧，但因為天真地相信先生和奶奶的能力和意願，又抵受唔到佢哋施加嘅壓力，就同意帶BB嚟依個世界，我憂慮我咁樣嘅決定係害咗佢，我內心經常處於咁樣嘅矛盾狀態。可是無法向誰說，我的憂慮也好像解決不了了，因為事至如今了，BB都出世了。