أنا شخص بيزعل بسُرعة ودي واحدة من أسوأ الصفات إللي فيا وإللي حرفيًا مش عارفة أغيرها ، هتلاقيني دايمًا باخُد كُل حاجة ع أعصابي ، بركز ف تفاصيل الكلام وأقعُد أحلله وأشوفه من كذا إتجاه ، ومُمكن حد يرمي كلمة وسط قاعدة ويبقى فاكر إنها حاجة عادية وكُل إللي قاعدين يفتكروا إني عديتها ، لكن الحقيقة إني مبعديش حاجة والكلمة بتفضل ترن ف ودني ، وللأسف التركيز الزيادة ده بيأذيني جدًا وبيأثر ع نفسيتي بشكل بشع.