一開始見呢套戲負評如潮，買飛前仲十五十六緊買唔買飛好，睇完慶幸自己無因為critics而無入場。 呢套戲係屬於Arthur而唔係Joker，呢個主題亦貫穿左整部電影，如果你帶住睇Dark knight既心情去睇雙瘋的話，的確會令你失望。 Arthur係個悲劇人物，渴望被愛、被認同。由第一集被欺凌到爆發到第二集遇上Lee到有支持者，佢以為自己真係可以重新開始，但大家愛的、支持的是Joker，而唔係Arthur。最令人心痛既係佢一直支持佢既夢想、目標，一切都係佢老母敷衍佢、作出黎既故事，佢既一生只係一個笑話。 我對歌舞片無咩好感，但呢套戲既歌舞形式我亦唔反感，啲歌都好岩我胃口，由close to you、fly me to the moon到最後radio播billy joel 既my life。歌舞形式同現實有好大既反差，更顯得佢人生既荒誕同悲哀，亦呈現到Arthur內心細膩既情感。到結局Arthur down、Joker rises好精彩，Joker can be whoever，它是個精神象徵，但Arthur只是血肉之軀，他死了，世間再沒Arthur，但小丑永存😔