《關於我在北極養雪橇狗的這件事 - 2》 我記得個網站上面有得揀去幾多個禮拜。我好貪心咁想體驗曬北極嘅冬天同夏天，最後揀咗四五月出發，總共去八個禮拜。等咗大概一兩個禮拜，好快就收到封 confirmation email。嗰陣係一月。 眨下眼就到咗四月，我喺Toronto已經住咗一段時間，係時候開始呢個無盡嘅旅程喇。 首先由Toronto飛去Edmonton，等咗四個定八個鐘頭（唔記得咗），然後轉機去Yellowknife。飛機坐得多，但係咁大個仔都係第一次坐螺旋槳飛機。Check in嗰陣特登揀咗窗口位，又咁啱喺個螺旋槳隔離。成程機係咁睇住佢一路轉轉轉，感覺好鬼過癮。 哦，原來講咗咁耐，原來所謂嘅北極就係Yellowknife？大把人去過啦。 非也，Yellowknife距離北極圈仲有成四百公里，要過咗北極圈先至係真正嘅北極。呢度只不過係我旅程嘅中轉站。 （待續）