「肉肉大米」比「挽肉と米」更具競爭力？ 唔講肉肉住，講咗挽肉先 今日me time三刷挽肉と米🍚 上次去東京冇做功課，去到門口先知要預約，當然食唔到啦 之後知道會喺香港開，day 1就去排隊，成為香港店嘅第一批食客 今次質素一如既往，塊漢堡扒炭燒完即刻擺喺你面前，熱焫焫，大大啖咬落去，夠juicy，唔需要任何調味，原味已經好好食 最近沙田開咗間肉肉大米，又係主打漢堡扒。有傳媒報導，「肉肉大米」負責人認為「肉肉大米」比「挽肉と米」更具競爭力，而且口味更符會香港人口味 間舖仲標榜自己係日本公司，點知日本係冇本店，反而內地開咗好多間 嗯...我諗起美誠月餅🥮 一睇Google Maps評分同comments已經feel到有幾伏 好少會見到有餐廳，評分係全1星🙄 係咪因為啲Food Bagger未收到錢所以未有5星review?😏 齋睇字都好有畫面，feel到晒環境有幾嘈，同埋有幾大浸油煙味 超唔鍾意食完飯成身油煙味，成塊面油淋淋 人越大，越發覺有好多嘢唔可以淨係用價錢平貴去衡量抵唔抵 同樣係三塊漢堡扒，有人話「不是挽肉吃不起，只是肉肉更有性價比。」你會點揀？ 留言投票