最後決定係私家B醫院做化療 當日就已經係左手上臂做咗個導管手術（PICC) 開頭好驚 但醫生好nice，手勢勁好 姑娘又好好咁安撫我 最後係聽住歌 再睇佢講解邊到係動脈 邊到係靜脈 由於未試過，所以有種體驗嘅感覺 做完手術當日就直接開始落化療藥 之後啲指數就會跌（中性白血球 血小板 血色素） 最記得係有晚訓訓吓去廁所 咁我慣性會望吓個PICC 發現好多血 嚇死 即刻㩒鐘叫姑娘 姑娘就好冷靜咁話都有人試過係咁 因為血小板低所以都會有咁嘅情況 但對於未試過嘅自己果吓真係諗緊自己係咪訓教整到 會唔會唔止血果啲 好彩姑娘洗過傷口後就無再出血 由於指數跌 所以要打血白針 輸血 輸血小板 甩頭髮 如果長頭髮 建議可以係頭髮開始甩嘅時候剷光頭 如果唔係要成日執頭髮 同埋洗頭會好似拍恐怖片咁 感謝屋企人會煮飯同送湯俾我 多謝爸爸幫我俾錢（每星期望到個金額都會擔心） 亦多謝保險經紀跟我呢個case跟得好好 好盡責 朋友會嚟探我 又會煲花生衣水俾我 冇咗佢哋我都唔知點算 所以多謝每個嚟過探我 照顧我 關心我嘅你哋！！！