啱啱好似比兩個大陸人呃左錢… 啱啱坐巴士落車行緊返屋企途中 無端端有兩個大陸阿姨講普通話嘅行過嚟問我邊度有得坐巴士去機場 咁咁啱隔離就係個巴士站 我就指比佢地睇呢度有得坐 全程講嘢都係得其中一個大陸阿姨講嘢 另外個個無講過嘢佢就開始同我講話啱啱微信坐車比唔到錢 限咗額 佢話打電話去問話要返大陸銀行整先整到 所以而家用唔到 但而家要去機場搵佢朋友(佢話佢朋友係新加坡返緊嚟)接應佢哋 之後佢又問我坐的士去機場要幾錢 我話大約3-4百蚊 咁佢咁樣問得我我就以為佢哋有現金坐的士 點知我話咁你哋可以坐的士去 佢地又話無曬 呢幾日用曬啲現金😅 之後我問咁你哋無其他電子支付？支付寶都可以比 佢就話佢支付寶都係連左微信個張銀行卡所以都限左額 我就話你兩個人都唔可以比錢咩 佢就話佢兩個係一齊做生意 所以係連住用唔到 我又信左 我就話咁你哋想點樣 佢就話要去機場搵佢朋友 因為佢哋今晚無地方住 咁我問咁你哋之前住邊 佢話佢哋之前係住海港城嗰邊嘅酒店 我就問咁點解嚟左我屋企個邊 佢就本身過嚟諗住搵佢朋友點知佢去左新加坡做嘢 所以要去機場等佢今日返嚟 開始就問我借坐車錢比佢哋…