寫code係好講成本嘅一件事 講嘅係隨住年紀越大，成本會越來越貴，但唔單係金錢上，仲有好多其他因素，包括生活同生存 就以創業為例，識寫code嘅人好多時都會想自己起壇嘢玩吓，但隨住寫code嘅年資越長，有咗經驗起壇嘢自然會「充份啲」諗多幾步，唔想、亦唔可以失敗，因為失敗會帶嚟失去 無正職、無收入點先？頭家點呢？小朋友點呢？破產點算？重新開始好難喎？ 「經驗」話比自己知，點樣先為之一個好project，然後到處理咗一段時間，問題消失晒，往往連當初果股「衝勁」都消失埋 漸漸就會發現，後生時乜都唔諗，「衝咗先算」果種心情，原來都算係一種幸福 因為，當時嘅自己，無乜嘢可以犧牲 亦自然無乜嘢可以輸