我有個小學老師好乞人憎。 佢係個會聯合班上面嘅學生去bully d佢睇唔順眼嘅學生嗰type人。 好不幸地我係佢打壓嘅對象，因為我成績唔好，佢又覺得我態度差——我就真係唔明解，當一個人俾人鬧嘅時候，一邊點頭一邊同鬧你條友「哦、哦、哦」咁樣算係態度差？佢俾上司鬧嗰陣應該都係咁嘅款。有次佢鬧完我之後終於講咗佢想我有嘅態度——喊！佢話個個學生俾佢咁鬧，都會喊住返埋位，得我喺度哦哦哦，好冇禮貌好唔受教。