女同事問意見→我準備結婚，結婚前男朋友話想我同佢成家人去旅行， 我估唔到搞到未去旅行就想分手！話說所有野， 係所有野都係我安排，行程酒店機票都係我安排，我同我男朋友一人比一半錢請佢爸爸、媽咪、家姐一家三口同細佬（一行8人）去日本、原本下星期就去。因為全家一齊去旅行， 第一次人數咁多咁去， 喼唔夠用，咁我未來奶奶就叫我買喼啦（當然係我自己比錢） ， 咁我買多左4個喼（一個比奶奶一個比老爺兩個比家姐，我同男朋友同佢細佬） 點知我同男朋友拎幾個喼返去個時， 男朋友係咁發脾氣話點解要買咁大個喼，拎都拎到累（我咁細粒都拎兩個啦，佢牛高馬大拎兩個都要嘈）又話屋企無位擺！係咁話我蠢，但唔夠喼用唔買又唔得！ 我問佢有咩好提議佢又話無！ 諗住返到佢屋企，對住老人家都笑笑口唔好比佢地知我地岩岩嘈完啦， 點知我未來奶奶同男朋友家姐一齊話我，係咁話我蠢，買咁多喼屋企又冇位….我老爺見我想喊咁已經安慰我，點知奶奶同家姐仲唔停，仲話我「話你兩句就想喊，第時小朋友點點點」 （我太激動唔記得左佢後面講咩） 講真呀～仲想我點， 咩都我安排晒， 出錢我都比左一半， 我做錯你話我蠢可以， 但可唔可以比d有用的提議！留言續