(IG冇位所以post threads) 左圖係11年前我剛入行做雜誌嘅頭幾個訪問之一，《狂舞派》入面一位新演員楊樂文。 右圖係今年Mirror 6周年campaign我做嘅styling之一，Mirror隊長Lokman。 出呢個post除咗想話際遇/緣份真係好奇妙之外，亦係因為拍攝當日嘅一點瑣碎事，瑣碎而重要嘅事。 話說當日完成拍攝之後，助手好驚訝咁跑嚟同我講，Lokman摺返好晒所有衫交俾佢，你可能唔明白點解佢咁驚訝，其實因為幕前對幕後有禮貌係一回事，但幕前會主動幫幕後手減輕工作就完全係另一回事，而且佢唔係做俾我睇，唔係做俾人睇，係靜靜地交俾我助手冇同任何人講，所以我決定我講。 唔知演算法會將呢個post帶去邊度，不過就算睇緊嘅你未必鍾意呢位藝人，都唔可以否定佢嘅品行。而如果咁啱佢嘅頭巾fans睇到，我只想講一句呢個人11年前後都依然保持住待人接物嘅初心。