我當初學日文冇逼過自己背字/文法 唔會逼自己背晒一課啲字先開始下一課 因為就算夾硬背熟咗，一兩個月之後都係唔記得晒 文法都係就咁掃一次，拎個印象就夠 大半時間都係上網搵啲日文嘢睇 (初學可以去 youtube 睇兒童繪本) 可能會見返喺課本出現過但冇背熟嘅字 / 文法 常用嘅字見多幾(or 幾十)次就會自然入咗腦 初學時唔洗堅持每隻字都查字典 因為會嚴重拖慢進度 大概 get 到意思就 ok 真係老是常出現又唔識嗰啲先去查 同埋唔好覺得自己成日唔記得啲字好廢 有啲字我前後十年查過廿次都仲係唔記得 中文字你都唔會隻隻記得晒啦 仲有初學一定係慢啲 (平假名都未熟晒) 但捱過咗有基本閱讀能力就會順好多 不過如果你真係好想對住本書背字 (可能上堂要求) 我覺得讀出聲 (or 去 youtube 聽人讀) 會好啲 因為聲音易入腦過一抽奇怪文字 (平假名) 自己得閒可以鳩叫啲字出嚟 叫得多就會記得