某論壇人小小唔出名，緣起於一小眾人因黃而聚。 漸漸地，移民既移民，留港既留港。個場少人到可以簡單二分。 留港既繼續忙碌生活少出聲，移民既反而好得閒積極圍爐，有部分更帶有使命感地炒熱個場。 炒場講咩呢，就係分享香港壞消息，遙距監察香港墮落情況。有壞消息例如庫房無錢呀，教育局改呈分試就拍手叫好，好似自己取得階段性勝利咁。 咁當然外國都有壞消息啦，就唔會咁張揚開新post, 討論時有已移民既人話頂唔順呢，就叫你捱到拎visa or 鬧你小小野就嘈咁樣。如果有個好有錢既移民L講d比較中性既評價，就會被酸，甚至人生攻擊，起底佢過往既留言再話佢。 呢d post 留港人士唔會加入，低頭繼續自己既生活，繼續係人地口中墮落。 今日，又見到另一個幸災樂禍post。講真，個走勢最後發展成點都唔會令香港人有切身影響，但佢地就好似執到支槍，又唱衰香港一番。 下？唔係話晒曾經都係香港人咩？ 雖然我係個論壇多少都算資深有貢獻，但今日我都delete個short cut啦，吉出來既位置換Thread. 無諗過會有咁既一日，但換走d 負能量也不錯(雖然thread 有時都負)。 bye 👋