羅宋湯唔係俄羅斯嘅菜？ 係西伯利亞火車上七日，與世隔絕。有一晚，我哋邊飲Vodka邊教車友玩鋤大D。馮同學走入廚房大叫：「有冇黑麥包呀？好肚餓！」 第一次見到火車主廚Ms. Olsa嘅印象係，俄羅斯人唔好惹。當有醉酒佬搞佢廚房，即刻攞住把鐵棍趕馮同學出廚房。第二朝一早，我哋帶咗支法國紅酒去賠罪，佢就送咗兩碗Borsht俾我哋做早餐！ Olsa係烏克蘭人，佢老公係俄羅斯人。Olsa話佢哋經常為羅宋湯問題爭論，認為羅宋湯係自己國家嘅一部分。Olsa同我地講：「Borsht係我哋烏克蘭嘅傳統菜，係我哋家鄉嘅味道。」佢好激動咁講俾我哋知，Borsht喺烏克蘭唔至係一道湯，仲象徵住民族嘅認同同家鄉嘅聯繫。烏克蘭嘅節日、家庭聚餐甚至重要儀式都唔少得紫紅色嘅羅宋湯。 「俄羅斯想佔有我哋嘅土地，甚至連Borsht都唔放過！」其實早喺俄烏戰爭之前，兩國已經開始咗「羅宋湯大戰」。 係Olsa休息時間，親自傳授烏克蘭嘅Borsht做法，有興趣見留言！