星期日（3Nov)晚上10:20 gaylo集會所 我見尋日好多人去九龍公園屠龍 尋日冇去，今日去返 我一個人傍晚六點去到，都有人玩，不過人數唔算多 打到七點幾，去柯士甸食晚飯，食到九點半，餐廳閂門，我就起身再四圍行 見九龍公園最多龍打，就由漫畫星光大道入返去 因為跟住素材採集點去行，去到體育館嗰邊就上咗去兒童公園嗰邊 坐咗係長櫈，四周都好昏暗，隔十零米有個阿婆係到行行企企 玩咗陣，有個男人，四十歲左右，米八高，應該180-200磅，著運動短衫短褲。幾大隻，似係gym room會見到嘅人。 一路望住我行，一路去隔離櫈坐低 坐低繼續望住我個方向，相距十米 嗰下有啲驚，但我啲龍未打晒🥹所以冇起身走 同時有幾個人帶小朋友上去玩 我見人多，應該安全，所以繼續玩 再過一陣男人起身走咗，我好快玩完就起身離開 行童軍中心嗰邊走，一路行一路低頭玩手機 行到幾個身位先知頭先個男人同我相反方向行緊 然後我下意識望一望佢 之後佢向我單眼😉 當下即刻覺得想嘔！！！！！🤮 臨落去大街之前見佢行遠咗但我都行快兩步去西鐵站 到落隧道前，我隨意望一望身後 係廿零三十米距離見到有個著同樣裝束嘅男人行緊！！！🤢 留言續