湊B比我預期中辛苦，只有我地兩公婆在英國，無四大長老無親戚支援，老公日頭要返工，得我一個湊B，夜晚老公都會幫手，但都係辛苦，每日夾埋只瞓到3,4個鐘。 不過，見住阿囡每天成長，幾辛苦都值。佢早產，在醫院住咗十幾日先返到屋企，個十幾日的經歷，我想寫出來做個紀錄。 最近阿囡因髖關節問題，要穿特製的吊帶褲，要穿起碼3個月，在照顧Bb上，又係一個新挑戰，加上佢近排厭奶，每日飲得好少，的確湊到好 崩潰，不過我會安慰自己，其實已經好好彩，Bb出世到而家的狀況已經唔錯，遇到嘅情況都解決咗或可以治療到。