所有改變由疫情開始。2020年1月7日自發決定開始每日都跑步，我從來唔理會一系列網上buzz words，乜野雙閾值訓練，步頻步距，zone 乜zone物，8:2練習，我一律冇當一回事。係疫情契機下，每日跑步變得容易實行。每日跑絕對唔係最有效率既練習模式。但當一件事成為習慣，成為生活一部分，依件事就係一種態度。不但影響左你既實力，同時改變你既性格同你既處事方式。 大約大半年之後，十公里既time trial 已經輕鬆做到38分。再之後移民英國，係更好既環境同氣候下，跑步變得更加輕鬆，當時每月跑500公里，除咗少量跟跑會做既間歇跑，其餘全部里數都係每日16-17公里既easy run。習慣係人類既第二天性。當初執著求進，偏偏挎唔過sub3門檻。反而為練習著迷之後，進步就不經意搵上門。然後，所有樽頸衝破。

隨著疫情退卻，百廢待興。2021年10月11日係曼徹斯特馬拉松入面第一次做到sub3。心入面只係要BQ Sub255就可以。頭大半程用少於四分步速通過，超越自己能夠想像既實力。後來，因為怕麻煩32公里先食第一包gel 導致34公里後，嚴重失速，望一望錶，時間仲有好多，行下跑下，唔太熱血既情況下順利以2小時52分完成，比賽前只係做左一個十公里同半馬time trail 加參加過十公里同半馬比賽各一場就冇其他速度課。一個習慣上既改變除咗衝破我自己既樽頸，之後都拯救左我既人生。 如是者，第一次BQ亦都打開六大馬拉松既序幕。

🤟🏻