求職陷阱🚨伏工分享2.1 話說雖然個title係導師，但野心大嘅腦細經常都會諗到唔同idea（當然係賺錢）令我哋喺工作上有無窮嘅發展方向 例如我哋時不時就會參加會展嘅大型展覽，喺Hall 1嗰啲 咁我哋當然就唔係喺會展教人啦，係去搲生意，當日我哋嘅工作就係助手同埋sales😇 都唔緊要嘅，咁個展覽時間一般係12nn-8pm，明明開展前一日我哋會執晒所有嘢call車過去，但唔知點解力臻完美嘅腦細每日仍然諗到有嘢漏咗要拎 於是我哋每日都喺新界區嘅公司拎物資再返去會展 由新界去會展，基本上要12點前到，代表晨早由屋企食完個早餐返去拎嘢再搭巴士過去會展然後直接開檔，根本冇時間食lunch 難得搞展覽我哋都想為件事好嘅，所以諗緊可能喺人流較少時腦細會放我哋出去食飯 不過我哋一直等到三點幾，佢都冇呢個意慾 突然佢屋企人嚟探班，仲買咗外賣，我哋滿心歡喜諗住一齊開餐☺️ 點知一打開：咦？點解兩人份量嘅？同事加埋老細同埋佢屋企人都有六個人喎🙃 原來佢哋係諗住兩人撐枱腳，可能佢哋覺得我哋根本唔係人類，所以冇進食嘅需要🥺 有經驗嘅同事於是拎咗早已準備嘅杯麵，默默地老遠行去斟熱水 爆字下篇繼續 職場鬼故事