琴日我同老公去咗大阪城公園，之前已經去過，所以今次我哋就冇再去天守閣。 喺大阪城公園嗰度，係咁打MHN既滅盡龍，由十二點玩到晏晝五點，連lunch都冇食，淨係喺Lawson買咗炸雞就算。 五點之後我哋坐車返心齋橋，喺心齋橋坐觀光遊覽船，上年嚟嘅時候已經想坐，但因為當日有活動所以河封咗，而家終於可以坐返。 坐完船之後，我哋去咗食壽司，食完之後繼續玩。有啲老公需要嘅素材，我哋打到最後都打唔到。同星期六唔同，星期日夜晚條街小人咗好多，所以我地早左返酒店。 返酒店之前，老公帶我去七仔買咗雪糕，之前喺香港見到好多人推介，但酒店樓下嘅Lawson無。有次見到其他住客喺七仔買到，所以我哋去完七仔先返。味道算好食，但又未去到好驚喜